Mineral Resurslar Instituti direktori M.Isoqov rahbarligidagi delegatsiya 8–10 dekabr kunlari Xitoyning mis sanoati korxonalari faoliyati bilan tanishmoqda. Safar davomida delegatsiyaga ishlab chiqarish texnologiyalari, xomashyo bazasi hamda korxonalarning boshqaruv amaliyoti bo‘yicha taqdimotlar o‘tkazilmoqda.

9 dekabr — Kunming

Kunming shahrida delegatsiya mis sanoati, metallurgiya va geologiya yo‘nalishidagi qator tashkilotlarda uchrashuv va amaliy tanishuvlarni o‘tkazdi:

• China Copper Co., Ltd ko‘rgazma zali: kompaniya tuzilmasi bo‘yicha taqdimot va asosiy ishlab chiqarish yo‘nalishlari bilan tanishuv.
• Yunnan Copper hamda Xitoy Geologiya Xizmati (Sian Markazi) bilan uchrashuv: texnik hamkorlik yo‘nalishlari va kelajakdagi amaliy aloqalarni muhokama qilish.
• Southwest Copper kompaniysining zamonaviy mis eritish zavodi va elektroliz zavodidagi ishlab chiqarish jarayonlari, texnologiya va qayta ishlash bosqichlari bilan tanishish.

10 dekabr — Diqing / Shangri-La

Delegatsiya Pulang mis konida bo‘lib, Xitoydagi eng yirik yerosti mis konlaridan birining ishlab chiqarish jarayonlari va mis boyitish zavodi bilan yaqindan tanishdi. Tashrif davomida suniy intellekt va robotlashgan yerosti infratuzilmasi, qazib olish bosqichlari va xavfsizlik standartlari bo‘yicha batafsil ma’lumot berildi.

MRI delegatsiyasi safar davomida amaliy tajriba o‘rganish, zamonaviy texnologiyalar bilan tanishish va mutaxassislar bilan ochiq muloqot olib bormoqda. Safar yakunlari bo‘yicha institut tomonidan qo‘shimcha axborot taqdim etiladi.