Минерал ресурслар институтида 2021 йил 19 октябрь куни Россия Федерациясининг “Марказий геология қидирув илмий тадқиқот институти (ФГБУ “ЦНИГРИ”) раҳбарияти билан учрашув бўлиб ўтди. Учрашувда “Марказий геология қидирув илмий тадқиқот институти (ФГБУ “ЦНИГРИ”) бош директори А.И. Черных, Бош директорнинг илмий ишлар бўйича ўринбосари Е.А. Наумов, Минерал ресурслар институти директори М.У. Исоқов ҳамда институтнинг етакчи мутахассислари иштирок этишди.

Учрашув давомида институтларнинг аналитик лабораториялари имкониятлари, халқаро қўшма лойиҳаларни амалга ошириш, институтлар базасида стажировка ва дала амалиётлари, илмий журналларда мақолалар чоп этиш каби масалаларга тўхталиб ўтилди.

Учрашув якунида тегишли йўналиш бўйича ўзаро хамкорликни йўлга қўйиш ҳамда ривожлантиришга келишилди.