BOʻLIMNING ASOSIY VAZIFALARI

Maʼdanli elementlarining toʻplanishiga va konlarni shakllanishiga taʼsir etuvchi jarayonlarning xarakterini aniqlash maqsadida abiotik va biotik voqiyliklarni oʻrganish negizida Gʻarbiy Oʻzbekistonning yer poʻstini geologik rivojlanish tarixini qayta tiklash;

Janubiy Tyon-Shon erta biosferasini evolyutsiyasi va ularning “qora slanesli yotqiziqlar” shakllanishidagi ishtirokini o’rganish;

Gʻarbiy Oʻzbekistonning tokembriy va quyi-oʻrta paleozoy yotqiziqlarini oʻrganish hamda kesimlarni genetik jihatdan tasniflash negizida ushbu yoshlardagi murakkab dislokatsiyaga uchragan yotqiziqlarning stratigrafik sxemasini ishlab chiqish;

qatlamli-burmalangan yotqiziqlarning va todevon yotqiziqlarining stratifikatsiyalash muammolari, hamda Gʻarbiy Oʻzbekiston togʻ-maʼdan rayonlaridagi maʼdan qamrovchi qatlamlar kesimlarining tuzilishini o’rganish;

Qizilqum-Nurota regionida asl metallarning joylashishining tektonik-strukturaviy va litologo-stratigrafik xususiyatlari o’rganish.

BOʻLIMDA OLIB BORILAYOTGAN ILMIY TADQIQOTLAR

Oʼzbekiston Respublikasi hududining 1:200 000 masshtabidagi geologik xaritasi uchun rayonlar boʼyicha legendasini tuzish.

Bukantogʼ togʼining sharqiy qismidagi Qatirtos istiqbolli maydonida oltin va boshqa foydali qazilmalarning maʼdanlashuvini geologik-strukturaviy, mineralogik-petrografik va geokimyoviy oʼrganish.

TADQIQOTLARNING ILMIY NATIJALARI

"Paleo-Osiyo okeanining neoproterozoy va erta paleozoy tarixidagi global va mintaqaviy voqealar va ularning lito-biosfera evolyutsiyasi va ruda genezisiga ta'siri" monografiyasi nashr etdi;

Oʼzbekiston hududining 1: 200000 masshtabidagi geologik xaritasi uchun Shimoliy Ustyurt, Orol boʼyi, Sulton-Uvays, Pitnak, Bukantov, Tomditov, Kuljuktov, Buxoro, Nurota, Zirabuloq-Ziyovuddin, Dengizkoʼl, Nurota togʼ oldi rayonlarining legendalari tayyorlandi;

Kitob davlat geologiya qoʼriqxonasining sharqiy qismi va unga tutash hududlarning 1:10 000 masshtabdagi strukturaviy-formatsion xaritasi tuzildi.